जिल्ला कारागार मोरङमा एक कैदीबन्दीको मृत्यु भएको छ । स्वास्थ्यमा समस्या भएपछि उपचारका लागि कोशी अस्पतालमा भर्ना भएका ५४ वर्षिय मानबहादुर खपाङ्गीको मङ्गलबार बेलुका मृत्यु भएको कारागारका निमित्त जेलर तुलसीराम भगतले जानकारी दिए ।

तेह्रथुम आठराई गाँउपालिकाका खपाङ्गी जबरजस्ती करणी मुद्दामा दोषी ठहर भई कैद भुक्तान गरिरहेको निमित्त जेलर भगतले बताए ।

उनका अनुसार खपाङ्गीलाई जिल्ला अदालत तेह्रथुमले २०७४ माघ ९ गते १० वर्ष कैद सजायको फैसला गरेको थियो । यसक्रममा खपाङ्गीले तेह्रथुम कारागारमा २ वर्ष बिताइसकेका थिए ।