वर्षौंदेखि नेपाली जेलमा रहेका ‘सिरियल किलर’ फ्रान्सेली नागरिक चार्ल्स शोभराजलाई अध्यागमन विभागको जिम्मा लगाइएको छ । उनलाई केन्द्रीय कारागार सुन्धाराले थुनामुक्त गरेर शुक्रबार अध्यागमन विभागको जिम्मा लगाएको हो ।
सर्वोच्च अदालतले स्वास्थ्य अवस्था र उमेरलाई ध्यानमा राख्दै तत्काल छाड्न आदेश दिएसँगै उनी बाँकी ९ महिना कैद छुट पाएर जेलमुक्त भएका हुन् । अब अध्यागमन विभागबाट आवश्यक प्रक्रिया पूरा गरी उनलाई पुनः नेपाल आउन नपाउने गरी फ्रान्स पठाउने तयारी भइरहेको छ ।
न्यायाधीशद्वय सपना प्रधान मल्ल र तिलप्रसाद श्रेष्ठको इजलासले तत्काल शोभराजलाई जेलमुक्त गरी १५ दिनभित्र सम्बन्धित देश पठाइदिन बुधबार आदेश दिएको थियो ।
चार वर्षअघि नै शोभराज उमेरले ७४ वर्ष पुगिसकेका थिए । कारागार नियमावलीअनुसार शोभराजले आफू छुट्नुपर्ने दाबी गर्दै यसअघि पनि पटकपटक बन्दी प्रत्यक्षीकरणको रिट दिने गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।