सुदूरपश्चिम प्रदेशसभाको बैठक पुनः स्थगित भएको छ । सभामुख चयनका लागि सोमबार बिहान ९ बजेका लागि बोलाइएको बैठक पोखरामा आइतबार भएको विमान दुर्घटनामा सरकारले राष्ट्रिय शोकमा बिदा दिएका कारण स्थगित गरिएको हो ।

अब मंगलबार बिहान १० बजे बैठक बस्ने छ । उक्त बैठकमा सभामुख चयनका लागि मतदान हुनेछ ।

प्रदेश सभाको पहिलो बैठक प्रारम्भ भएको मितिले १५ दिनभित्र सभामुख र उपसभामुख चयन गर्नुपर्ने संवैधानिक व्यवस्था छ । उक्त व्यवस्थाअनुसार सुदूरपश्चिममा सोमबार राति १२ बजेसम्म सभामुख र उपसभामुख चयन गरिसक्नुपर्ने थियो तर राष्ट्रिय शोकका कारण आजको दिनलाई गणना नगर्ने सहमति दलहरुबीच भएको छ ।