सत्तारुढ दल राष्ट्रिय प्रजातन्त्र पार्टी राप्रपाका सांसद ज्ञानबहादुर शाहीले देशमा सरकार भएको आभास नभएको बताएका छन् । आजको प्रतिनिधि सभा बैठकमा बोल्दै उनले यस्तो बताएका हुन् । 

‘यो देशमा सरकार छ या छैन ?,’ प्रश्न गर्दै उनले भने, ‘यदि सरकार छ भने प्रधानमन्त्री निवासभन्दा जम्मा ३ किलोमिटर अगाडि दिनदहाडै लुटपाट हुन्छ । प्रहरी निकम्मा भएर हेरिरहेको छ ।’

उनले तत्काल गृहमन्त्री चयन गर्न समेत आग्रह गरे । उनले भने, ‘करोडौँ लगानी गरेका व्यववसायी किन डुब्दै छन् । यदि सरकार छ भने हामीले मजदुरका लागि किन ऐन बनाउँदैनौँ । यदि सरकार छ भने यो देशमा गृहमन्त्रालयको संन्यत्र छ तर गृहमन्त्री किन खाली ? प्रधानमन्त्रीले नै सबै मन्त्रालय लिने हो भने अन्य मन्त्रालय किन चाहियो ?’