सहिद स्मारक लिग ए डिभिजन लिगमा थ्री स्टारले सातदोबाटोलाई १–० ले हराएको छ । थ्री स्टारको यो लगातार दोस्रो जित हो ।

दशरथ रंगशालामा भएको खेल बराबरीतर्फ अग्रसर भएको बेला आदित्यले निर्णायक गोल गरेका हुन् । यससँगै थ्री स्टारले उपाधि होडमा आफूलाई सामेल गरेको छ ।

यो जितपछि थ्री स्टारको चार खेलबाट सात अंक भएको छ । लगातार तीन जित निकालेर उत्कृष्ट सुरुआत लिएको सातदोबाटोको यो पहिलो हार हो । 

यससँगै सातदाबाटो नौ अंकमै सीमित रह्यो ।