कोशी प्रदेश नामाकरणको विरोधमा रहेका आन्दोलनकारीले सो प्रदेशका माओवादीका संसदीय दलका नेता इन्द्रबहादुर आङ्बोमाथि आक्रमण प्रयास गरेका छन् ।
हिजो मात्र मुख्यमन्त्री हिक्मत कार्की चढेको गाडीमा ओखलढुंगामा आक्रमण प्रयास भएको थियो ।
ताप्लेजुङमा माओवादी जिल्लास्तरीय बैठकमा सहभागी हुन गएका आङ्बोमाथि आन्दोलनकारीले फुङ्लिङ नगरपालिका तक्मेडाँडा छेउमा आक्रमणको प्रयास गरेका हुन् ।
आक्रमणबाट गर्दा उनी चढेको गाडीमा सामान्य क्षति पुगेको छ । आन्दोलनकारीले हत्या गर्ने चेतावनी दिँदै आङ्बोमाथि आक्रमण प्रयास गरेका हुन् ।
बाटो ढुकेर बसेका प्रदर्शनकारीले एक्कासि ढुंगा हान्दै नाराबाजी गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
