डोटीको सायल गाउँपालिका– ५ पटकानीको एक घरमा चितुवा पसेको छ । 

आज मंगलबार स्थानीय देवबहादुर बोगटीको घरमा चितुवा पसेको स्थानीय  तेज डुम्रेलले बताए ।

चितुवा घरभित्र पसेपछि स्थानीयहरू हेर्न जम्मा भएका थिए । ठूलो संख्यामा स्थानीहरू जम्मा भएर होहल्ला गरेपछि चितुवा दिउँसो घरबाट निस्केर जंगलतिर पसेको हो  ।  

बोगटीको घरमा चितुवा पस्नुलाई केहीले धार्मिकतासँग जोडेर हेरेका छन् ।

बोगटी देवताका धामीसमेत हुन् । चितुवा दिउँसै घरभित्र पसेपछि स्थानीयमा त्रास बढेको छ ।