राष्ट्रिय सभा सदस्य वामदेव गौतमले प्रत्यक्ष निर्वाचित राष्ट्रपति प्रणालीमा जान आवश्यक रहेको बताएका छन् । 

सोमबार राष्ट्रिय सभाको बैठकमा आफ्नो धारणा राख्दै उनले संसदीय व्यवस्थाको विरोध गरेका हुन् । गौतमले दुई/दुई महिनामा सरकार परिवर्तन गर्नु लज्जास्पद भएको उल्लेख गर्दै प्रत्यक्ष निर्वाचित राष्ट्रपति प्रणालीमा जान आवश्यक रहेको बताए ।   

‘दुई/दुई महिनामा सरकार परिवर्तन गर्ने लाजमर्दो यो व्यवस्था हाम्रो देशलाई बर्बाद गर्ने व्यवस्था भनेको संसदीय व्यवस्था हो । राजा फालेर प्रत्यक्ष निर्वाचित राष्ट्रपति प्रणाली लागू गरेको भए आज हामी अमेरिका, स्विटजरल्याण्डभन्दा माथि हुन्थ्यौँ,’ गौतमले भने, ‘हामी राम्रो व्यवस्थामा जाने हो भने संविधान शंसोधन गरेर सबैभन्दा पहिला प्रत्यक्ष निर्वाचित राष्ट्रपति प्रणालीमा जाऔँ,’ गौतमले भने । 

उनले अहिलेको निर्वाचन प्रणाली अल्पमतको निर्वाचन प्रणाली भएको पनि टिप्पणी गरे ।