प्रस्तावित प्रधानन्यायाधीश हरिकृष्ण कार्कीको संसदीय सुनुवाइ बिहीबार हुने भएको छ । उनीविरुद्ध यही १६ जेठमा १० दिनभित्र उजुरी दिन संसदीय सुनुवाइ समितिले आह्वान गरेको थियो ।  

उक्त आह्वानपछि उनीविरुद्ध २९ उजुरी परेका छन् । कार्की​विरुद्ध बहालवाला जिल्ला न्यायाधीश र अधिवक्ताले नै संसदीय सुनुवाइ समितिमा उजुरी दर्ता गराएका हुन् । 

 समितिको सोमबार बसेको बैठकले ३१ गते बुधबार उजुरीकर्ताहरुसँग छलफल गर्ने र ३२ गते बिहीबार कार्कीको सुनुवाइ गर्ने निर्णय गरेको हो ।