बुद्ध एयरले १६औँ एटिआर विमान भित्र्याएको छ । बुद्धले ९एन एएनडब्लु कल साइन भएको एटिआर ७२ विमान नेपाल भित्र्याएको हो ।  

‘हामीलाई यो कुरा सार्वजनिक गर्न पाउँदा खुसी लागेको छ कि हामीले कल साइन ९ एन एएनडब्लुसहितको १६ औं एटिआर ७२ एयरक्राफ्ट अन्तर्राष्ट्रिय विमानस्थलमा स्वागत गरेका छौँ,’ बुद्ध एयरले भनेको छ । 

योसँगै एटिआर ७२-५०० एयरक्राफ्ट विमानको संख्या १३ पुगेको छ । त्यस्तै, एटिआर ४२-३०० तीन वटासहित अब बुद्धसँग जम्मा विमानको संख्या १६ पुगेको बुद्ध एयरका सञ्चार अधिकृत दिनेश कर्णले जानकारी दिए ।