धनगढीमा रहेको दृष्टि फाउन्डेसनमा २५ थान म्याट सहयोग गरिएको छ । अभिनेता पल शाह र धनगढीका युवा व्यवसायी तथा समाजसेवी मिलन कुँवरले फाउन्डेसनलाई म्याट सहयोग गरेका हुन् ।
नेपाली नारीहरूको महान् चाड तीजको अवसरमा अभिनेता शाह र समाजसेवी कुँवरले असहाय नारीहरूलाई म्याट सहयोग गरेको फाउन्डेसनकी सञ्चालिका कल्पना भट्टले बताइन् ।
उनले फाउन्डेसनमा सहारा लिइरहेका मानसिक सन्तुलन गुमाएका महिलाहरूको लागी झन्डै १ लाख ५ हजार बढीका ओछ्याउने म्याट सहयोग पाइएको बताइन् । यस्तै चाउचाउ लगायत अन्य खाद्यान्न सामाग्री समेत सहयोग गरिएको छ ।
यसरी तीजको लहर चलिरहेका बेला गरिएको सहयोगले दृष्टि फाउन्डेसन परिवारमा पनि छुट्टै रहर थपिएको भट्टले बताइन् । उनले सहयोग गर्ने सम्पूर्ण दाताहरूलाई आगामी दिनमा पनि सहयोगको अपेक्षासहित धन्यवाद दिइन् ।
मानसिक सन्तुलन गुमाएर परिवार समाजले हेला गरेका नारीहरूलाई राहत होस् भन्ने उद्देश्यले म्याट सहयोग गरिएको समाजसेवी कुँवरले बताए । असहाय र सहारा विहीनहरूलाई सहारा दिइरहेका दुवै फाउन्डेसनले समाजमा उदाहरणीय काम गर्दै आइरहेको उनले बताए ।
उनले समाजसेवी हातहरूले गर्दा समाजमा रहेका असहाय र बेसहाराहरूले सहारा पाइरहेको बताए । दृष्टि फाउन्डेसनमा हाल ५० जना बढी मानसिक सन्तुलन गुमाएका महिला तथा बालबालिकाहरू बसोवास गरिरहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
