राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देनले संघीयता देशको लागि आवश्यक नभएको बताएका छन् । शनिबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।
 
संघीयतालाई अब घिसारेर लैजान नसकिने भन्दै उनले रक्तपातविना र दबाबविना सल्लाह गरेर राजतन्त्र पुनःस्थापना गर्न राजनीतिक दलसँग आग्रह गरे । नयाँ सहमति नगरे र दलहरु नसच्चिए अब जनदबाबको आँधीबेहरीको तयारी गर्ने दायित्व राप्रपाको भएको उनले बताए । 

राजनीतिक दलका नेताहरुलाई देशबाट भाग्नुपर्ने स्थिति आउनुभन्दा अगाडि सच्चिन चेतावनी दिँदै उनले राप्रपा पार्टीले अब देशको नेतृत्व नगरेसम्म देशभित्रै गरिखाने वातावरण सिर्जना नहुने दाबी गरे । दशैँ तिहार सकिएपछि आन्दोलनको आँधीबेहरी सिर्जना गर्नेगरी अघि बढ्न उनले दलका नेता, कार्यकर्तालाई निर्देशन दिए ।