ब्राजिलमा विमान दुर्घटना हुँदा १२ जनाको मृत्यु भएको छ । पश्चिमी ब्राजिलको एकर राज्यको राजधानीमा रहेको रियो ब्रान्को एयरपोर्टनजिकै  विमान  दुर्घटना भएको हो । 

अधिकारीहरूका अनुसार ब्राजिलको अमेजन क्षेत्रमा आइतबार सानो विमान दुर्घटनामा परेर त्यसमा सवार १२ जनाको मृत्यु भएको हो ।

स्थानीय फर्म एआरटी ट्याक्सी एरियोद्वारा सञ्चालित विमान टेकअफको लगत्तै दुर्घटनाग्रस्त भएको हो । विमानमा सवार एक शिशुसहित सबैको मृत्यु एकर राज्य सरकारले जारी गरेको विज्ञप्तिमा जनाइएको छ ।

विमान अमेजनस राज्यको एन्भिराका लागि उडेको थियो ।