दक्षिण कोरियाले सन् २०१८ को अन्तर–कोरियाली शिखर सम्मेलनपछि भएको लोकतान्त्रिक जनवादी गणतन्त्र कोरिया (डिपीआरके) सँगको सैन्य सम्झौता आंशिकरूपमा निलम्बन गर्ने निर्णय गरेको छ । 

बुधबार आंशिकरूपमा निलम्वित अन्तर–कोरियाली सैन्य सम्झौतालाई सियोलमा दक्षिण कोरियाका प्रधानमन्त्री हान डक–सूको अध्यक्षतामा भएको आकस्मिक मन्त्रिपरिषद् बैठकमा अनुमोदन गरिएको थियो । निलम्बित प्रभावकारिताको साथ, दक्षिण कोरियाले दुई कोरियालाई विभाजन गर्ने सैन्य सीमांकन रेखाको वरिपरि डिपीआरके बिरुद्धको निगरानी कार्यहरू पुनः स्थापित गर्नेछ । 

अप्रिल २०१८ मा, तत्कालीन दक्षिण कोरियाली राष्ट्रपति मुन जे–इन र शीर्ष डिपीआरके नेता किम जोङ उनले पानमुनजोम गाउँमा भेट गरेका थिए । पानमुनजोम घोषणामा हस्ताक्षर गरेका थिए । त्यसपछि सेप्टेम्बर २०१८ मा प्योङयाङमा संयुक्त घोषणापत्रमा हस्ताक्षर गरिएको थियो ।