नेपाली कांग्रेसका केन्द्रीय सदस्य तथा  पूर्वमन्त्री बालकृष्ण खाणलाई नेपाली कांग्रेस लुम्बिनी प्रदेश कार्यसमितिले सम्मान गरेको छ । नक्कली भुटानी शरणार्थी प्रकरणमा संलग्न रहेको अभियोगमा थुनामा रहेका खाँणलाई कांग्रेसले सम्मान गरेको हो । 

पहिलो लुम्बिनी प्रदेश सम्मेलनका अवसरमा शनिबार बुटवलमा आयोजना गरिएको कार्यक्रममा उनलाई सम्मान गरेको हो । सम्मेलनका प्रमुख अतिथि तथा कांग्रेस सभापति शेरबहादुर देउवाले बालकृष्ण खाँणको सम्मान पत्र उनका भाइ तथा रुपन्देही कांग्रेस सभापति रामकृष्ण खाणलाई हस्तान्तरण गरे । 

नक्कली भुटानी शरणार्थी प्रकरणमा प्रहरीले उनलाई गत वैशाख २७ गते निवासबाटै उनलाई पक्राउ गरेको थियो । उच्च अदालत पाटनले उक्त प्रकरणमा हालै ९ जनालाई पुर्पक्षका लागि थुनामा पठाउने काठमाडौं जिल्ला अदालतको आदेश सदर गर्दा खाणका हकमा भने दुई न्यायाधीशबीच राय बाझिन पुगेको थियो । 

न्यायाधीशबीच नै राय बाझिँदा  खाण थुनामै रहेका छन् ।