सुनको मूल्य तोलामा दुई हजार रुपैयाँले बढेको छ । नेपाली बजारमा बितेको ६ दिनमा सुन तोलामा २ हजार रुपैयाँ बढेको छ । गत आइतबार तोलामा १ लाख १७ हजार ८०० रुपैयाँ मा कारोबार भएको छापावाल सुन शुक्रबार कारोबार बन्द हुँदासम्म १ लाख १९ हजार ८०० रुपैयाँ कायम रहेको थियो । 

सोमबार १ लाख १७ हजार ८०० अर्थात आइतबारकै मूल्यमा कारोबार भएपनि भने मंगलबार १ लाख १८ हजार रुपैयाँमा कारोबार भएको थियो । 

यस्तै,बुधबार १ लाख १९ हजार रुपैयाँमा कारोबार भएको छापावाल सुन बिहीबार पनि सोही मूल्यमा कारोबार हुँदा शुक्रबार भने १ लाख १९ हजार ८०० रुपैयाँ पुगेको हो । 

यसैबीच आइतबार १ हजार ४५५ रुपैयाँ प्रतितोलामा कारोबार भएको चाँदी शुक्रबार १ हजार ४८५ रुपैयाँमा कारोबार भएको छ ।