इंग्लिस प्रिमियर लिग फुटबलमा म्यानचेस्टर सिटीले एभर्टनलाई ३–१ गोल अन्तरले हराएको छ । सिटीले पहिलो हाफमा १–० गोलले पछि परेको अवस्थालाई उल्टाउँदै पुनरागमन जित निकालेको हो ।

गएराति सम्पन्न खेलमा सिटीको जितमा फिल फोडेन, जुलियन अल्भारेज र बेर्नार्डो सिल्भाले समान एक गोल गरे ।

त्यस्तै, एभर्टनका ज्याक हारिसनको नाममा एक गोल रह्यो ।  

यो जितपछि सिटीको १८ खेलमा ३७ अंक जोडेको छ । ऊ चौथो स्थानमा उक्लिएको छ । त्यस्तै, पराजित एभर्टनको १९ खेलबाट १६ अंक छ । ऊ लिगमा १७औँ स्थानमा छ ।