‘धोती दिवस’ मनाउन माइतीघर मण्डला पुगेका जनमत पार्टीका अध्यक्ष सिके राउतसहित केही व्यक्तिलाई प्रहरीले नियन्त्रणमा लिएपछि उनीहरूलाई छुटाउन गृहमन्त्री गृहमन्त्री नारायणकाजी श्रेष्ठ आफैं नेपाल प्रहरीकहाँ पुगेका छन् ।

दिवस मनाउन भन्दै माइतीघर क्षेत्रमा भेला भएको बेला राउतसहित पक्राउ परेका संघीय मामिला तथा सामान्य प्रशासन मन्त्री अनिता देवी तथा जनमत पार्टीका नेता कार्यक्रतालाई प्रहरीबाट छुटाउन गृहमन्त्री श्रेष्ठ आफैं नेपाल प्रहरी क्लब भृकुटीमण्डप पुगेका हुन् । अहिले प्रहरीले पक्राउ परेकाहरूलाई छाडेको छ । 

ब्यानरसहित धोती दिवस मनाउन माइतीघर पुगेकाहरूलाई प्रहरीले पक्राउ गरेको थियो । माइतीघरदेखि नयाँ बानेश्वरसम्म स्थानीय प्रशासनले निषेधित क्षेत्र घोषणा गरेको छ । उक्त क्षेत्रमा प्रदर्शन भएकाले प्रहरीले उनीहरूलाई नियन्त्रणमा लिएको थियो ।