अन्तर्राष्ट्रिय विद्यार्थीका लागि उच्च शिक्षा हासिल गर्ने प्रमुख गन्तव्य हो न्यूजिल्याण्ड । सुरक्षित र स्वागतयोग्य वातावरणमा उच्च गुणस्तरीय शिक्षा खोज्ने अन्तर्राष्ट्रिय विद्यार्थीको लागि न्यूजील्याण्ड लोकप्रिय गन्तव्य हो । यहाँ सुन्दर परिदृश्य, बहु सांस्कृतिक समाजलगायत विभिन्न पक्षले अन्तर्राष्ट्रिय विद्यार्थीलाई आकर्षित गर्दछ । 

सुरक्षित वातावरणमा विश्व स्तरीय विश्वविद्यालयमा पढ्न पाउने भएकाले पछिल्लो समय न्यूजिल्यान्ड नेपाली विद्यार्थीको रोजाइमा पर्न थालेको छ । धेरैलाई जिज्ञासा हुनसक्छ, आखिर न्यूजिल्यान्ड नै किन ? न्यूजिल्यान्डमा त्यस्तो के छ, जुन अन्य देशमा छैन ? 

यस्तै विविध जिज्ञासालाई मेटाउनका लागि यो आलेख तयार पारिएको छ । यस आलेखमा नेपाली विद्यार्थीको रोजाईमा न्यूजिल्यान्ड किन परिरहेका छ, त्यसका दश कारण यहाँ उल्लेख गरिएको छ । 

१. गुणस्तरीय शिक्षा

न्यूजिल्यान्डको शिक्षा प्रणाली र यसले तयार पारेको पाठ्यक्रम अन्तर्राष्ट्रिय विद्यार्थी उपयोगी छ । यहाँको शिक्षा प्रणालीले व्यावहारिक सीप र जीवन उपयोगी  सिकाइमा जोड दिन्छ । यहाँका विश्वविद्यालयहरू उत्कृष्ट विश्वविद्यालयका रूप परिचित छन् । न्यूजिल्यान्डका विश्वविद्यालयहरूले अन्तर्राष्ट्रिय विद्यार्थीलाई मध्यनजर गरेर यहाँ उच्च शिक्षा प्रदान गर्ने व्यवस्था गरेको छ । त्यसैले पनि धेरै नेपाली विद्यार्थीको उच्च अध्ययनको मुख्य गन्तव्य न्यूजिल्यान्ड बनिरहेको छ । 

२. सहज जीवनयापन

एक देशबाट अर्को देश जाँदा त्यहाँको रहनसहनअनुसार खर्च व्यवस्थापन गर्न सकिन्छ कि सकिँदैन होला भन्ने चिन्ताले प्रायःलाई सताएको देखिन्छ । उच्च शिक्षाका लागि विदेश जाने विद्यार्थीले पनि खान, बस्न, कलेजको फिलगायत व्यवस्थापन गर्न सकिन्छ कि सकिँदैन भन्ने कुराको जिज्ञासा राख्छन् । न्यूजिल्यान्डलाई अध्ययनको गन्तव्य बनाइरहेका विद्यार्थीले ढुक्क भएर जाँदा हुन्छ । किनभने न्यूजिल्यान्डमा जीवनयापन अन्य देशको तुलनामा धेरै नै सहज हुन्छ । यहाँ खान, बस्न धेरै खर्च नहुने भएकाले न्यूजिल्यान्ड धेरैको रोजाइमा परिरहेको छ । 

३. सुरक्षित राष्ट्र

न्यूजिल्यान्ड सुरक्षाका दृष्टिकोणले एकदमै शान्त राष्ट्रका रूपमा चिनिन्छ । यहाँ अपराधका घटना धेरै कम हुन्छन् । न्यूजिल्यान्ड सरकारले यहाँ बस्ने नागरिकलाई हरपल सुरक्षाको प्रत्याभूति दिलाइरहेको हुन्छ । यसका साथै आवश्यकताको समयमा सहयोग गर्न न्यूजिल्यान्डसँग आपत्कालीन सेवाहरू र समर्थन नेटवर्कहरूको दायरा  फराकिलो छ । त्यसैले पनि न्यूजिल्यान्ड अन्तर्राष्ट्रिय विद्यार्थीका लागि आकर्षक केन्द्रबिन्दु रहेको छ ।

४. सुन्दर वातावरण 

न्यूजिल्यान्ड वातावरणीय सुन्दरताले भरिपूर्ण राष्ट्र हो । यो देशको सुन्दरताले जोकोहीलाई मोहित पार्छ । न्यूजिल्यान्डका सुन्दर पहाड हेर्न वर्षेनी लाखौं व्यक्ति जान्छन् । यहाँको मनमोहक दृष्यले हर कोहीलाई लोभ्याउने भएकाले पनि धेरैको उच्च शिक्षाको गन्तव्य बनिरहेको मुलुक हो, न्यूजिल्यान्ड । सुन्दर रमणीय दृश्यलाई हेर्दै अध्ययन गर्न चाहने अधिकांश नेपाली विद्यार्थीले न्यूजिल्यान्डलाई रोज्ने गरेका छन् । 

५. गुणस्तरीय जीवनस्तर 

न्यूजिल्यान्डमा स्वस्थ र सन्तुलित जीवनशैली अपनाउन सकिन्छ । गुणस्तर जीवनयापन प्रदान गर्ने उत्कृष्ट देशहरूको सूचीमा न्यूजिल्यान्डमा पनि पर्छ । अन्तर्राष्ट्रिय विद्यार्थीले उत्कृष्ट स्वास्थ्य सेवा, बलियो सामाजिक सुरक्षा, विश्व–स्तरीय सुविधा र मनोरञ्जनका गतिविधिहरू सहजै पाउने भएकाले न्यूजिल्यान्डलाई रोज्ने गरेका छन् ।

६. बहू सांस्कृतिक समाज 

न्यूजिल्यान्डमा बहु सांस्कृतिक समाज रहेको पाइन्छ । यहाँ मात्र दुई सयभन्दा बढी देशका मानिसको बसोबास पाइन्छ । सोही कारण यहाँ बहू सांस्कृतिक परम्परालाई प्रत्यक्ष अनुभव गर्न र बाँड्न सकिन्छ । विश्वका विभिन्न कुनाबाट न्यूजिल्यान्ड पुगेको मानिस एकअर्कासँग शान्तिपूर्ण तरिकाले मिलेर बसेका हुन्छन् । सोही कारणले पनि न्यूजील्यान्ड अन्तर्राष्ट्रिय विद्यार्थीका लागि उच्च शिक्षा आर्जन गर्ने थलो बनिरहेको छ । 

७. रोजगारीको सुनिश्चितता

न्यूजिल्यान्डको बलियो अर्थतन्त्र र फस्टाइरहेको रोजगार बजारले अन्तर्राष्ट्रिय विद्यार्थीका लागि रोमाञ्चक भविष्य निर्माणको लागि विभिन्न अवसरहरू प्रदान गर्दछ । न्यूजिल्यान्डका विश्वविद्यालयबाट अध्ययन पूरा गरिसकेपछि विद्यार्थीले विश्वको जुनसुकै कुनमा गएर पनि रोजगारी प्राप्त गर्छन् । रोजगारीका विभिन्न अवसरहरू विभिन्न स्थानमा सहजै पाइने भएकाले पनि न्यूजिल्यान्ड अन्तर्राष्ट्रिय विद्यार्थीको प्रमुख गन्तव्य बनिरहेको छ ।

८. अनुसन्धानका क्षेत्रमा अवसर 

अध्ययन तथा अनुसन्धानका क्षेत्रमा रुचि राख्ने विद्यार्थीका लागि न्यूजिल्यान्ड एक महत्त्वपूर्ण राष्ट्र हुनसक्छ । न्यूजिल्यान्डले अनुसन्धानका क्षेत्रमा भविष्य निर्माण गर्ने सोच बनाइरहेका विद्यार्थीलाई विभिन्न अवसर प्रदान गर्दै आइरहेको छ । 

न्यूजिल्यान्डसँग धेरै अनुसन्धान संस्थाहरू र कोष कार्यक्रमहरू छन् । यस देशले अनुसन्धान परियोजनाहरू र विभिन्न विषयहरूमा सहयोगको लागि अवसरहरू प्रदान गर्दै आइरहेको छ । न्यूजिल्यान्ड पर्यावरण विज्ञान, कृषि, र नवीकरणीय ऊर्जा मा शक्तिशाली छ । त्यसैले पनि यहाँ अध्ययन अनुसन्धानका क्षेत्रमा सहज अवसर प्राप्त हुन्छन् ।  अन्तर्राष्ट्रिय विद्यार्थीहरूले प्रमुख विशेषज्ञहरूसँग काम गरेर र अत्याधुनिक अनुसन्धान परियोजनाहरूमा योगदान गरेर देशको अनुसन्धान संस्कृतिबाट लाभ उठाउन सक्छन् ।

९. जीवन्त विद्यार्थी जीवन

न्यूजिल्यान्डका विश्वविद्यालयहरूले विभिन्न अतिरिक्त क्रियाकलापहरू र विभिन्न रुचिलाई सहजै प्राप्त गर्छन् । विद्यार्थीहरूले क्लब, खेलकुद प्रतियोगिता, सांस्कृतिक उत्सवहरू र कन्सर्टहरूमा सहजै भाग लिन पाउँछन् । उनीहरूले विद्यार्थी जीवनमा धेरै नै अनुभव गर्न पाउँछन् । विद्यार्थीलाई जीवनकाल एउटा जीवन्त जीवनशैलीको अनुभव समेट्न पाउँछन् । 

१०. वातावरणीय संरक्षणमा अब्बल न्यूजिल्यान्ड

न्युजिल्यान्डले कार्बन उत्सर्जन कम गर्न, प्राकृतिक स्रोतहरूको संरक्षण गर्न, र विभिन्न क्षेत्रहरूमा दिगो अभ्यासहरू प्रवर्द्धन गर्न विभिन्न नीतिहरू दिगोपन र वातावरण संरक्षणमा आफूलाई समर्पित गर्दछ । यो देश नवीकरणीय ऊर्जा, दिगो कृषि, र इको–पर्यटन जस्ता वातावरणीय मुद्दाहरूमा दूरदर्शी दृष्टिकोणका लागि प्रसिद्ध छ । विद्यार्थीहरूले शैक्षिक कार्यक्रमहरू, अनुसन्धान परियोजनाहरू, र सामुदायिक पहलहरू मार्फत यी अभ्यासहरू सिक्न र योगदान गर्न सक्छन् ।