नेपाल एयरलाइन्सले दुई न्यारोबडी र दुई वाइडबडी जहाजको ऋणको किस्ता भुक्तानी गरेको छ । एयरलाइन्सले उक्त जहाजहरू अन्तर्राष्ट्रिय उडानका लागि खरिद गरेको हो । 
 
एयरलाइन्सले कर्मचारी सञ्चय कोष र नागरिक लगानी कोषबाट लिएको ऋण दायित्वमध्ये दुई न्यारोबडी जहाजको  पुस महिनाको किस्ताबापत पूरा र दुई वाइडबडी जहाजको आंशिक गरी आइतबार जम्मा ५३ करोड नौ लाख ५५ हजार दुई सय ८१ रुपैयाँ रकम भुक्तानी गरेको हो । 

प्रवक्ता रमेश पौडेलका अनुसार वर्तमान नेतृत्वले निगमको व्यवस्थापन सम्हालेपछि ४ अर्ब ८३ करोड ५७ लाख ३१ हजार ६ सय ८७ रुपैयाँ किस्ता रकम भुक्तानी गरिसकेको छ ।