नेपालमा जारी त्रिकोणात्मक टी–२० आई सिरिजमा नामिबियाविरुद्ध नेदरल्याण्ड्सले आक्रामक ब्याटिङ गरेको छ ।

कीर्तिपुरस्थित त्रिवि मैदानमा जारी खेलमा टस जितेर पहिला ब्याटिङ गरिरहेको नेदरल्याण्ड्सले यो समाचार तयार पार्दासम्म १४ ओभरमा एक विकेट गुमाएर १ सय ५८ रन बनाएको छ ।

उसका लागि लागि माइकल लेभिटले ९५ र साइब्रान्ड एंगलब्रेच्टले ५४ रन बनाएर खेलिरहेका छन् । नामिबिया र नेदरल्याण्ड्स जारी सिरिजमा लगातार दोस्रो जितको खोजीमा छन् । 

नामिबियाले पहिलो खेलमा नेपाललाई २० तथा नेदरल्याण्ड्सले नेपाललाई २ रनले हराएको थियो । नेपालले तेस्रो खेलमा शुक्रबार नामिबियाको सामना गर्ने तालिका छ ।