नेपाली फुटबल खेलाडीहरू सुन्दर भविष्य खोज्न अस्ट्रेलिया पलायन हुनेक्रम जारी छ । यसैक्रममा डिफेन्डर विकास खवास पनि अस्ट्रेलिया प्रस्थान गरेका छन् ।
नेपालको टिमबाट सन् २०२० मा बंगलादेशविरुद्ध खेलेर डेब्यू गरेका विकासले चार अन्तर्राष्ट्रिय खेल खेलेका छन् । सन् २०१९ मा घरेलु मैदानमा भएको साग गेम्समा नेपालले फुटबलबाट स्वर्ण जित्दा विकासको महत्वपूर्ण भूमिका थियो ।
उनी घरेलु फुटबलमा त्रिभुवन आर्मी क्लबसँग आबद्ध थिए । मोरङ घर भएका विकासले नेपालको यू–१६, यू–१९ र यू–२३ गरेर सबै उमेर समूहको टिमबाट खेलेका थिए ।
पछिल्लो दुई वर्षमा नेपाली टिमबाट खेलेका दुई दर्जन खेलाडी अस्ट्रेलिया पलायन भइसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
