त्रिकोणात्मक टी–२० सिरिजको चौथो खेलमा नामिबियाविरुद्ध नेपालले टस हारेर ब्याटिङको मौका पाएको छ । नेपाल र नामिबियाबीचको खेल कीर्तिपुरस्थित त्रिवि मैदानमा सुरु हुनेछ । 

नेपालले आज प्लेइङ–११ मा तीन खेलाडी परिवर्तन गरेको छ । नेपालले आज कुशल भुर्तेल, सन्दीप जोरा र ललितनारायण राजवंशीलाई विश्राम दिएर अनिल साह, आरिफ शेख र अविनाश बोहरालाई मौका दिएको हो  ।

जारी श्रृंखलामा नेपाल पहिलो जितको खोजीमा छ । नेपालले पहिलो खेलमा नामिबियासँग २० रन तथा दोस्रो म्याचमा नेदरल्याण्ड्सविरुद्ध २ रनको हार बेहोरेको थियो। फाइनल सम्भावना कायमै राख्न नेपाल आज जित्नैपर्ने दबाबमा छ, अन्यथा नेपाल एक खेल अगावै फाइनल दौडबाट बाहिरिनेछ ।  

नेपालको प्लेइङ–११ : आसिफ शेख, अनिल साह रोहित पौडेल (कप्तान), कुशल मल्ल, सोमपाल कामी, करण केसी, गुलशन झा, दीपेन्द्र सिंह ऐरी,  आरिफ शेख, प्रतिश जिसी र अविनाश बोहरा ।