नेकपा (एकीकृत समाजवादी) का सांसद राजेन्द्रप्रसाद पाण्डेले काठमाडौं महानगरपालिकाले फुटपाथ व्यापारीमाथि ज्यादती गरेको भन्दै संघीय सरकारले हस्तक्षेप गर्नुपर्ने बताएका छन् ।
शुक्रबार प्रतिनिधि सभा बैठकमा बोल्दै उनले काठमाडौं महानगरपालिकाको प्रहरीले फुटपाथ व्यापारीमाथि गरेको ज्यादती अत्यन्त निन्दनीय भएको बताए । सांसद पाण्डेले यस्तो काम गर्दा आवश्यकता परे संघीय सरकारले तत्काल हस्तक्षेप गर्नुपर्ने बताए ।
‘काठमाडौं महानगरपालिकाको प्रहरीले फुटपाथ व्यापारीमाथि गरेको ज्यादती अत्यन्त निन्दनीय छ । यस्ता कार्य गर्ने कुराको तत्काल संघीय सरकारले पनि आवश्यकता प¥यो भने हस्तक्षेप गरोस्,’ उनले भने ।
सांसद पाण्डेले मिटरब्याज पीडित, लघुवित्त पीडित र सहकारी पीडितको समस्या समाधान गर्न पनि सरकारलाई आग्रह गरे । त्यस्तै, दुग्ध किसानको रकम भुक्तानी गर्न पनि उनको माग छ ।
पाण्डेले बूढीगण्डकी जलविद्युत् आयोजना अगाडि बढाउने सरकारलाई दबाब दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
