नयाँ गठबन्धन सरकार नेतृत्वको अर्थमन्त्रीमा नेकपा माओवादी केन्द्रले वर्षमान पुनलाई पठाउने भएको छ । एमाले-माओवादी केन्द्रसहितको गठबन्धनले केही मन्त्रालयको टुंगो लगाउँदा वर्षमान अर्थमन्त्री बन्ने पक्का भएको हो ।
त्यस्तै माओवादी केन्द्रबाट नारायणकाजी श्रेष्ठ परराष्ट्रमन्त्री बन्न लागेका छन् भने एमालेका रघुवीर महासेठ उपप्रधान तथा भौतिक पूर्वाधारमन्त्री बन्ने भएका छन् ।
राष्ट्रिय स्वतन्त्र पार्टी (रास्वपा) ले गृहसहित चार मन्त्रालय पाउने भएको छ । रास्वपाले गृह मन्त्रालयमा सभापति रवि लामिछाने, श्रममा उपसभापति डीपी अर्याल, युवा तथा खेलकुदमा विराजभक्त श्रेष्ठ र शिक्षा मन्त्रीमा सुमना श्रेष्ठलाई पठाउने निर्णय गरेको छ ।
बुधबार नै मन्त्रिपरिषद् विस्तारसमेत हुने सम्भावना छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
