नेकपा एमालेका प्रमुख सचेतक महेश बर्तौलाले अहिलेको सरकारलाई कमजोर र असफल हुने छुट नभएको बताएका छन् । 

बिहीबार प्रतिनिधि सभाको बैठकमा उनले सदनमा आसन परिवर्तन भए पनि भूमिका र जवाफदेहीता नफेरिएको भन्दै सरकारले देश र जनतालाई केन्द्रमा राखेर काम गर्नुपर्ने बताए । 

‘हाम्रा आसनहरू परिवर्तन भएका छन्, भूमिकाहरू परिवर्तन भएका छन् । तर, जवाफदेहीता हाम्रो फेरिएको छैन । जनताप्रतिको कर्तव्यमा परिवर्तन भएको छैन । त्यसकारण यो सरकारले देश र जनतालाई केन्द्रमा राख्नुपर्छ,’ बर्तौलाले भने, ‘विकास, समृद्धि, सुशासन र सामाजिक न्यायलाई लक्ष्य बनाएर काम गर्नुपर्छ । यो सरकारलाई कमजोर हुने, असफल हुने छुट छैन, जनताको हितमा काम गर्ने सामर्थ्य राख्नुपर्छ ।’