भोजपुरको हतुवागडी गाउँपालिका–७ मा गोठबाट सल्किएको आगोमा परी तीन बालबालिकाको मृत्यु भएको छ ।

स्थानीय रमेश कार्कीका सात वर्षीया छोरी दिप्तिका र तीन वर्षीय छोरा देउनिस तथा केदार कार्कीका ५ वर्षीय छोरा प्रनिशको आगलागीमा परी मृत्यु भएको जिल्ला प्रहरी कार्यालय भोजपुरका सूचना अधिकारी दलकुमार राईले जानकारी दिए ।   

खेलिरहेका बालबालिका गोठबाट सल्किएको आगोको चपेटामा परेका थिए । घटनाबारे जानकारी पाएलगत्तै इलाका प्रहरी कार्यालय घोरेटारबाट प्रहरी निरीक्षकको नेतृत्वमा टोली पठाइएको थियो ।