काठमाडौं– बुधबार नेपाल भ्रमण वर्ष २०२० को मूल आयोजक समितिको बैठकलाई सम्बोधन गर्दै प्रधानमन्त्री केपी शर्मा ओलीले विमानस्थलका कर्मचारीलाई तालिम दिनु पर्ने बताएका छन् ।
नेपाल घुम्न आउने पर्यटकको सकारात्मक दृष्टिकोण विकास गर्न विमानस्थलका कर्मचारीको व्यवहारमा सुधार गर्नु पर्ने प्रधानमन्त्री ओलीले बताएका हुन् । विदेशी पर्यटकलाई अनावश्यक सोधखोज गर्ने, नियम कानुनभन्दा बाहिर गएर व्यवहार गर्ने गरेकाले पर्यटकको नेपालप्रति नै नकारात्मक सोच विकास भएको प्रधानमन्त्रीले बताएका हुन् ।
‘विमानस्थलका कर्मचारीलाई तालिम दिनुपर्छ,’ ओलीले भने, ‘विमानस्थलमा देशको इमेज बिग्रने व्यवहार गर्नुभएन, त्यहाँ त सकारात्मक सन्देश दिएर स्वागत गर्ने हो ।’
प्रधानमन्त्री ओलीले भ्रमण वर्ष भव्यताका साथ सफल बनाउनसबैलाई जुट्न समेत निर्देशन दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।