काठमाडौं– बालुवाटार जग्गा प्रकरणमा दोषी आरोपित नेकपा महासचिव विष्णु पौडेलको प्रधानमन्त्री केपी शर्मा ओलीले बचाउ गरेका छन् । मंगलबार नेकपा संसदीय दलको बैठकलाई सम्बोधन गर्दै ओलीले पौडेलबारे भ्रम फैलाइएको बताए । 

राजाको शासनका वेला पौडेलले जमिन किनेको र उनले पदीय दुरुपयोग गरेर जग्गा नजोडेको दाबी ओलीले गरेका छन् । पौडेलले किनेको जग्गा सार्वजनिक जग्गाभित्र पर्छ कि पर्दैन, जालझेलभित्र पर्छ कि पर्दैन, हडपेको हो कि होइन सबै तथ्यसहित प्रस्तुत हुने प्रधानमन्त्री ओलीले बताए ।

पौडेललाई आक्रमण गरेर पार्टी र सरकारलाई कमजोर बनाउन खोजेको दाबी गर्दै प्रधानमन्त्री ओलीले सार्वजनिक जग्गा मिच्न नदिने र सरकारको नाममा फिर्ता गर्ने बताएका छन् ।