Wed, 08 Apr, 2020


डा. भट्टराई प्रतिपक्षी बेन्चमा, उपयुक्त ठाउँ देखाइदिन नेकपा सांसदको आग्रह
फरकधार / साउन २१, २०७६

काठमाडौं– समाजवादी पार्टीका सांसद एवं पूर्वप्रधानमन्त्री बाबुराम भट्टराई संसदमा प्रतिपक्षी बेन्चमा बसेपछि सत्तारुढ नेपाल कम्युनिस्ट पार्टी (नेकपा) का सांसद विरोध खतिवडाले यसबारे प्रश्न उठाएका छन् । भट्टराईकै दल समाजवादी पार्टीका अध्यक्ष उपेन्द्र यादव अहिले उपप्रधानमन्त्री तथा स्वास्थ्यमन्त्री छन् ।



डा. भट्टराई संसदमा प्रतिपक्षी बेन्चमा बसेपछि उचित स्थान देखाइदिन खतिवडाले सभामुख कृष्णबहादुर महरासँग माग गरेका हुन् । मंगलबार संसद बैठक चलिरहेका वेला भट्टराई राष्ट्रिय जनता पार्टी (राजपा) सांसद राजेन्द्र महतोसँगै प्रतिपक्षी बेन्चमा बसेका थिए । 

सांसद खतिवडाले बाबुराम भट्टराई प्रतिपक्षमा बस्नुमा संसदले व्यवस्थापन नगरेर हो कि उहाँले एकता प्रक्रियालाई इन्कार गरेको हो रु भन्ने प्रश्न गरेका थिए । 

खतिवडाको प्रश्नको जवाफमा संसद सञ्चालन गरिरहेकी उपसभामुख शिवमाया तुम्बाहाम्फेले निर्वाचन आयोगबाट आधिकारिक पत्र प्राप्त नभएकाले भट्टराईका लागि बस्ने व्यवस्था गर्न नसकिएको बताएकी थिइन् । निर्वाचन आयोगबाट औपचारिक पत्राचार भइसकेपछि भट्टराईलाई यथास्थानमा बस्नका लागि व्यवस्था मिलाउने उनको भनाइ थियो । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्