काठमाडौं– काठमाडौं उपत्यकाको सार्वजनिक यातायात व्यवस्थापनका लागि सरकारले राष्ट्रिय सभामा पेस गरेको प्राधिकरण विधेयक २०७६ प्रति नेपाली कांग्रेसका सांसदले नकारात्मक टिप्पणी गरेका छन् ।
भौतिक पूर्वाधार एवं यातायातमन्त्री रघुवीर महासेठले बुधबार राष्ट्रिय सभा बैठकमा विधेयकमाथि विचार गरियोस् भन्ने प्रस्तावगरेका थिए । मन्त्री महासेठको प्रस्तावमा बोल्दै कांग्रेस सांसद राधेश्याम अधिकारीले विधेयक बेढंगको भएको टिप्पणी गर्दै फिर्ता लैजान आग्रहसमेत गरे ।
सांसद अधिकारीले भने, ‘प्राधिकरणको कन्सेप्ट नै क्लियर छैन । यस्तो विधेयक सैद्धान्तिक रुपमा कसरी अघि बढ्ला ? हतारमा ल्याएको जस्तो लाग्यो । माननीय मन्त्रीसँग के अनुरोध गर्छु भने यो एैन फिर्ता लागे हुन्छ ।’
विधेयकमा धेरै कुरा छुटेको दाबी गर्दै उनले दफा–दफामा संशोधन गर्नुपर्ने आफूले देखेको उलने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
