एजेन्सी– पाकिस्तानी प्रधानमन्त्री इमरान खानले कश्मिरको विषयमा अमेरिकी राष्ट्रपति डोनाल्ड ट्रम्पलाई फोनमा कुरा गरेका छन् ।
पाकिस्तानी विदेशमन्त्री शाह महमूद कुरैशीले इमरान खानले संयुक्त राष्ट्र संघको सुरक्षा परिषद् बैठकको विषयमा अमेरिकी राष्ट्रपतिको समर्थन लिएको बताएका छन् ।
खानले ट्रम्पलाई क्षेत्रीय खतरा तथा कश्मिरको ताजा घटनाक्रमबारे बताएको कुरैशीले बताएका छन् । पाकिस्तानले लेखेको एउटा चिठीको आधारमा संयुक्त राष्ट्र संघको सुरक्षा परिषद्मा शुक्रबार अनौपचारिक बैठक भएको थियो ।
यता, भारतमा २ सयभन्दा धेरै लेखक तथा सामाजिक कार्यकर्ताले भारत प्रशासित कश्मिरलाई विशेष राज्यको दर्जाबाट हटाएकोमा सरकारको आलोचना गरेका छन् । उनीहरुले एउटा चिठीमा सरकारले यस्तो गर्दा पहिले कश्मिरका जनताको राय लिनु पर्ने माग गरेका छन् ।
यसरी सरकारको विरोध गर्नेमा अमिताभ घोष, नयनतारा सहगल, अशोक वाजपेयी, अमित चौधरी, सांभाजी भगतलगायत छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।