Fri, 20 Sep, 2019


माण्डव्य बजगाईं प्रतिष्ठानद्वारा बजगाईं वंशलता सार्वजनिक
फरकधार / भदौ ६, २०७६

काठमाडौं– माण्डव्य बजगाईं प्रतिष्ठान नेपालले बजगाईं वंशलता सार्वजनिक गरेको छ । शुक्रबार बालुवाटारको एक क्याफेमा बजगाईंको पुस्तावाली बजगाईं वंशलता सार्वजनिक गरिएको हो । 



उक्त पुस्तकको विमोचन माण्डव्य बजगाईंहरुकै सहगोत्री परराष्ट्रमन्त्री प्रदीप ज्ञवालीले गरेका हुन् । कार्यक्रम बोल्दै परराष्ट्र मन्त्री ज्ञवालीले पछिल्लो समय नेपालमा राजनीतिक स्वार्थका लागि जातीय द्वन्द्व सिर्जना गरी नकारात्मक फाइदा लिन खोज्ने बढेको बताए । 

आदिवासीको विषयमा नकारात्मक कुरा मात्र भएको बताउँदै उनले मानव आफैँमा घुमन्ते प्राणी भएकाले आदिवासीका नाममा समाजमा अशान्ति फैलाउनु राम्रो नभएको उनको भनाइ थियो । 

बजगाईंहरुको इतिहासबारे लामो समय देशका गाउँगाउँसम्म पुगेर खोजी गरेका शशिप्रसाद बजगाईंले देशभरका बजगाईंहरुको अवस्थाबारे बताए । 

माण्डव्य बजगाईं प्रतिष्ठान नेपालका अध्यक्ष राजेन्द्र बजगाईंले विमोचित पुस्तकबाट बजगाईंको गौरवमय इतिहासको खोजी सुरु भएको र अबका पुस्ताका लागि यस विषयमा अझ खोज तथा अनुसन्धानमा यसले सहयोग पुर्याउने विश्वास व्यक्त गरे । 

 


यो सामाग्री सेयर गर्नुहोस्


यो पनि नछुटाउनुहोस्