Sat, 08 Aug, 2020


ह्याक भयो नागरिकको युट्युब च्यानल
फरकधार / असोज १२, २०७६

काठमाडौं— नागरिक तथा द रिपब्लिका दैनिक सन्चालन गर्ने नेपाल रिपब्लिक मिडियाको युट्युब च्यानल ह्याक भएको छ । यो प्रकाशन गृहको रेडियो नागरिक र नागरिक नेटवर्कको युट्युब च्यानल ह्याक भएको हो । 



च्यानल शुक्रबार रातिदेखि ह्याक भएको सूचना नागरिकनेटवर्कको बेवसाइटमा प्रकाशित गरिएको छ । रेडियो नागरिकको च्यानल ह्याक गरेर ह्याकरले डेरेभो नाम राखेका छन् ।

नेपाल रिपब्लिक मिडियाले सूचना निकाल्दै यसको समाधानमा काम गरिरहेको जनाएको छ । सूचनामा भनिएको छ, ‘प्रिय पाठक तथा दर्शकवृन्द, रेडियो नागरिक र नागरिक नेटवर्कको यूट्युव च्यानल शुक्रबार रातीदेखि ह्याक भएको छ। हामी नेपाल प्रहरी र यूट्युवसँग समन्वय गर्दै यो समस्या समाधानको लागि निरन्तर प्रयासरत छौं। अहिले ति दुई च्यानलमा आउने भिडियो सामाग्री हाम्रा आधिकारिक नभएको जानकरी गराउँछौं। यसबाट तपाईहरुमा पर्न गएको असुविधाप्रति क्षमाप्रार्थी छौं।’


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्