Thu, 14 Nov, 2019


प्रधानमन्त्री ओलीको मिर्गौलाको डायलासिस शनिबार पुनः गरिने
फरकधार / कात्तिक १५, २०७६

काठमाडौं– बुधबार र बिहीबार धापासीस्थित ग्रान्डी अस्पतालमा उपचार गराएर फर्किएका प्रधानमन्त्री केपी शर्मा ओलीको शनिबार पुनः मिर्गौलाको डायलासिस गरिने भएको छ । चार दिनको बीचमा उनको तेस्रो डायलासिस हुने भएको हो ।  



तेस्रो डायलासिसका लागि प्रधानमन्त्री ओलीलाई चिकित्सकले शनिबारका लागि बोलाएको स्रोतको भनाइ छ । प्रधानमन्त्रीले सातामा तीनपटक डायलासिस गर्नुपर्ने चिकित्सकले सल्लाह दिएका छन् । 

यसअघि प्रधानमन्त्रीको दुईपटक डायलासिस भइसकेको छ। डायलासिसको विकल्पमा पुनः मिर्गौला प्रत्यारोपणमा समेत जान सकिने स्रोतको भनाइ छ । 

भारतको नयाँ दिल्लीमा १२ वर्षअघि मिर्गौला प्रत्यारोपण गराएका प्रधानमन्त्री ओलीले गत साउनमा पहिला खाँदै आएको औषधि परिवर्तन गरेका थिए । नियमित फलोअपका लागि प्रधानमन्त्री गत साउनमा सिंगापुर गएका थिए । 

सिंगापुरमा उनले पहिले खाने औषधि परिवर्तन गरिएको थियो । औषधिको नकारात्मक असर देखिएपछि भदौमा प्रधानमन्त्री ओली फेरि सिंगापुर गएका थिए ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्