एजेन्सी– पछिल्ला वर्षमा बलिउड अभिनेता सैफ अलि खानको करिअरमा अप्स एन्ड डाउन्स बारम्बार भइरहेका छन् । यसअघि आएको उनको फिल्म लाल कप्तानमा उनको अभिनयको चर्को प्रशंसा भयो तर यसले बक्स अफिसमा राम्रो गर्न सकेन । 

तर, उनकी पत्नी करिनाको फिल्मको कुरा गर्ने हो भने चाहिँ ती फिल्मले बक्स अफिसमा राम्रो गरिरहेका छन् ।

त्यसैले अब अन्तर्वार्ताहरुमा सैफ अलि खानलाई यो विषयमा पनि सोध्न थालिएको छ । एक अन्तर्वार्तामा पनि उनलाई सोधियो– पत्नीको सफलताका कारण जलन हुन्छ कि हुँदैन ? 

उनले यसमा जवाफ दिए, ‘मेरो जीवनको सफलतासँग बक्स अफिसको कुनै लेनादेना छैन । अनि म र मेरी श्रीमती यी कुराहरुबाट अलग रहेर वास्तविक जीवन बाँचिरहेका हुन्छौँ । सफलता र उनको र मेरो सम्बन्ध त आफ्नो व्यक्तिगत जीवनमा सफलता छ कि छैन भन्ने कुराले निर्धारण गर्छ ।’