एजेन्सी– उत्तर प्रदेशका मुख्यमन्त्री योगी आदित्यनाथको घरमा पालिएको कुकुर अब इन्टरनेट सेलेब्रिटी बनेको छ । आदित्यनाथको कालो रंगको ल्याब्राडोर कुकुरको तस्वीरहरु अहिले इन्टरनेटमा निकै सेयर भइरहेको छ । 

यो कुकुरको नाम आदित्यनाथले कालु राखेका छन् । आदित्यनाथले यो कुकुरलाई विशेष माया गर्ने गरेको र आदित्यनाथ देखेपछि कुकुर पनि निकै खुसी हुने भारतीय सन्चारमाध्यमले लेखेका छन् ।

त्यसो त आदित्यनाथ कुकुरको पुराना फ्यान हुन् । यसअघि पनि उनले विभिन्न कुकुर पाल्दै आएका छन् । तर, कालुलाई चाहिँ आदित्यनाथले शाकाहारी बनाएका छन् ।