काठमाडौं– नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’की पत्नी सीता दाहाल उपचारका लागि हरिद्वारस्थित रामदेवको आश्रममा पुगेकी छिन् ।
उपचारका लागि कहिले सिंगापुर कहिले अमेरिका जाने गरेकोमा पछिल्लोपटक भने दाहालपत्नी सीता आयुर्वेदिक उपचारका लागि हरिद्वारमा रहेको पतञ्जली योगपीठ पुगेकी हुन् ।
नेकपा नेता मातृका यादव र छोरी गंगासहित हरिद्वार पुगेकी सीताले योगपीठमा बाबा रामदेव र आचार्य बालकृष्णसँग भेट गरेकी छिन् । छोरी गंगा दाहालले सामाजिक सञ्जाल फेसबुकमार्फत् सोबारे जानकारी गराएकी हुन् ।
रामदेव र बालकृष्णसँगको फोटो सार्वजनिक गर्दै छोरी गंगाले फेसबुकमा लेखेकी छन्, ‘ममीको आयुर्वेदिक उपचारका लागि हरिद्वारस्थित पतन्जली योगपिठमा बाबा रामदेव अनि आचार्य बालकृष्णसँगै हामी ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
