एजेन्सी– फिल्म छपाककी निर्देशक मेघना गुलजारले सोमबार अभिनेत्री दीपिका पादुकोण जवाहरलाल नेहरु विश्वविद्यालय (जेएनयू) गएको विषयमा आफ्नो धारणा राखेकी छिन् । उनले त्यहाँ आक्रमणमा परेका छात्रहरुलाई दीपिकाले साथ दिनु उनको नीजि कुरा भएको बताएकी छिन् । 

मेघनाले दर्शकसँग पनि अनुरोध गरेकी छिन् कि छपाक फिल्म हेर्नका लागि दीपिकाको यो कदमको कुनै पनि असर पर्नु हुँदैन ।

‘सबैको नीजि र व्यवसायिक जीवन अलग अलग हुन्छ,’ छापककी निर्देशक मेघनाले बताएकी छिन्, ‘दीपिका त्यहाँ जानु पनि उनको आफ्नो निर्णय थियो, उनले फिल्ममा त्यो निर्णयका कारण काम गरेकी होइनन् ।’