काठमाडौं– नेपालमा कोरोना भाइरसको संक्रमण बढ्दै गएको पाएको छ । यसअघि चीनबाट आएका एक युवकमा देखिएको सो भाइरसको संक्रमण थप एकजनामा पनि देखिएको छ । 

टेकुस्थित शुक्रराज ट्रपिकल तथा सरुवा रोग अस्पतालले अर्का एक व्यक्तिमा पनि कोरोना भाइरसको संक्रमण भएको पुष्टि गरेको छ । 

कोरोना भाइरस संक्रमणको आशंकामा उपचाररत दुईजनामध्ये एकजनामा कोरोना भाइरसको संक्रमण भएको पुष्टि भएको अस्पताल स्रोतले जनाएको छ ।

योसँगै नेपालमा कोरोना संक्रमितको संख्या दुई पुगेको छ । यसअघि चीनबाट आएका एक युवकमा कोरोना भाइरसको संक्रमण भएको पुष्टि भएको थियो ।

चीनबाट नेपाल आइपुगेका २८ वर्षका पुरुषमा कोरोना भाइरस संक्रमणको पुष्टि भएको अस्पताल स्रोतको भनाइ छ । उनको रगत परीक्षणका लागि हङकङ पठाइएको थियो । 

रगतको सो नमुना परीक्षणबाट उनमा भाइरस संक्रमण पुष्टि भएको हो । ती युवकसँगै अस्पताल भर्ना भएकी ४८ वर्षकी महिलामा भने भाइरस संक्रमण नभएको पुष्टि भएको अस्पतालको भनाइ छ ।