काठमाडौं– नेपाली कांग्रेसका वरिष्ठ नेता रामचन्द्र पौडेलले पार्टीमा आफ्नो छवि मध्यमार्गी नेताको रुपमा रहेकाे बताएका छन् । उनले आफू निहुँ खोज्ने मान्छे मात्र नभएको बताएका छन् ।
मंगलबार प्रेस युनियनले काठमाडौंमा आयोजना गरेको कार्यक्रममा बोल्दै उनले विगतमा आफू मध्यमार्गी नेताको रुपमा कहलाएको र अहिले पनि निहुँ मात्र नखोजेको बताएका हुन् ।
अहिले पार्टीलाई विधिमा चलाउने लडाइँ चलेको उल्लेख गर्दै उनले भने, ‘यो लडाइँमा म विगतमा मध्यमार्गीको रुपमा कहलाएकै हुँ, म निहुँ खोज्ने मात्र व्यक्ति त होइन नि !’
कांग्रेसलाई विकृतिमुक्त बनाउन र विधि र पद्धतिमा चलाउनलाई आफूले निरन्तर जोड दिइरहेको बताउँदै पौडेलले अहिले पार्टीलाई पद्धतिमा अगाडि बढाउने कि लाटलुट हाटहुटमा कब्जा गर्ने भन्ने विषयमा लडाइँ भइरहेको टिप्पणी गरे ।
सरकारको कार्यशैलीका विरुद्धमा कांग्रेस एक भएर लड्नुपर्ने बेलामा आन्तरिक कलहमा फस्न नहुने बताउँदै पौडेलले मिलेर अघि बढ्न सबैलाई आग्रह गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
