काठमाडौं– निवर्तमान उपसभामुख शिवमाया तुम्बाहाङ्फे कानुनमन्त्री बन्ने भएकी छिन् । शिवमायाले कानुनमन्त्रीका रुपमा आज नै शपथ लिँदैछिन् । 

आज दिउँसो साढे तीन बजे राष्ट्रपतिसमक्ष कानुन, न्याय तथा संसदीय मामिला मन्त्रीको शपथ उनले लिन लागेको प्रधानमन्त्री कार्यालयले जनाएको छ । 

यसअघि यो मन्त्रालयको जिम्मेवारीमा समाजवादी पार्टीका उपेन्द्र यादव थिए । समाजवादी पार्टीले सरकारको समर्थन फिर्ता लिएपछि रिक्त रहेको मन्त्रालयको जिम्मेवारी स्वास्थ्यमन्त्रीसमेत रहेका भानुभक्त ढकालले सम्हाल्दै आएका थिए ।

अब कानुन मन्त्रालयमा शिवमायालाई जिम्मेवारी दिइएको छ । सहरी विकास मन्त्रालयमा पूर्वमाओवादीबाट एक नेतालाई प्रतिनिधित्व गराइने सम्भावना योसँगै बढेको छ ।