काठमाडौं– नेपाली बजारमा सुनको मूल्य अहिलेसम्मकै सबैभन्दा बढी भएको छ । बुधबार सुनको मूल्यमा एकै पटकमा २२ सय रुपैयाँ बढेको हो । नेपाल सुन चाँदी व्यवसायी महासंघका अनुसार योसँगै अब सुन ८० हजार पाँच सय प्रति तोलामा कारोबार हुन थालेको छ । 

यसअघि नेपाली बजारमा सुन केही दिनअघि मात्र ८० हजार ३ सय पुगेको थियो । तेजाबी सुनको मूल्य बुधबार ८० हजार ३ सय तोकिएको छ । 

मंगलबार नेपाली बजारमा सुनको मूल्य ७८ हजार ३ सय थियो । पछिल्लो समय कोरोना भाइरसका कारण विश्वभर देखिएको आर्थिक मन्दीका कारण सुनको मूल्य आकासिएको हो । 

विश्वमा कोरोना भाइरसको संक्रमण फैलिएपछि सन् २००८ को जस्तै आर्थिक अवस्था आएको बताउन थालिएको छ ।