आयल निगमले पेट्रोल, डिजल र मट्टितेलमा प्रतिलिटर दुई–दुई रुपैयाँ घटाएको छ । निगमले सोमबार राति १२ बजेदेखि लागू हुने गरी पेट्रोलियम पदार्थको मूल्य घटाएको हो । 

नयाँ मूल्य अनुसार काठमाडौं उपत्यकामा पेट्रोल प्रतिलिटर १ सय ६ रुपैयाँ पर्ने छ । त्यसैगरी डिजल र मट्टितेलको प्रतिलिटर ९५ रुपैयाँ कायम भएको छ । 

हवाई इन्धन आन्तरिकतर्फ प्रतिलिटर ४ रुपैयाँ ५० पैसाले घटाई ९० रुपैयाँ कायम गरिएको निगमले जनाएको छ । 

हवाई इन्धन बाह्यतर्फ र ग्यासको मूल्य यथावत राखिएको निमगले जानकारी दिएको छ । 

अन्तर्राष्ट्रिय बजारमा निरन्तर पेट्रोलिय पदार्थको मूल्यमा गिरावट आएपछि आन्तरिक बजारमा पनि मूल्य घटाइएको हो ।