काठमाडौं– मंगलबार सिंहदरबारमा कोरोना संक्रमण रोकथाम तथा नियन्त्रण समितिको बैठक बसेको थियो । बैठकले सरकारले गरेको आह्वानलाई नेपाली जनतालाई धन्यवाद दिने निर्णय गर्यो । 

सुरक्षासँग सम्बन्धित सबै निकायसँग गरिएको र सीमामा भएका गतिविधिबारे पनि यसबारे निर्णय भएको सरकारका प्रवक्ता डा. युवराज खतिवडाले जानकारी दिएका छन् ।

उनका अनुसार अब सीमामा आएका नेपालीलाई आज अन्तिम पटक छोडिनेछ । उनीहरुलाई क्वारेन्टाइनमा अनिवार्य रुपमा राख्नु पर्ने निर्णय बैठकमा भएको जानकारी डा. खतिवडाले दिएका छन् ।

त्यस्तै, अन्तर्राष्ट्रिय बजारबाट स्वास्थ्य सामग्री ल्याउनका लागि निजी क्षेत्रलाई आह्वान गर्ने निर्णय भएको छ । सरकारले बनाएको कोरोना कोषको प्रभावकारी बनाउने पनि खतिवडाले बताएका छन् । उनले अन्यले बनाएको कोषबाट पनि केन्द्रीय कोषमा रकम जम्मा गर्नु पर्ने निर्णय भएको बताएका छन् ।