एजेन्सी– पछिल्ला २४ घन्टामा भारतमा कोरोना भाइरस संक्रमितको संख्या निकै बढेको छ । अब भारतमा दुई हजारभन्दा धेरैमा कोरोना संक्रमण देखिएको छ ।

अब भारतमा चिकित्सकहरुमा पनि कोरोना भाइरस संक्रमण देखिन थालेको छ । दिल्लीको क्यान्सर अस्पतालमा एक चिकित्सकमा कोरोना संक्रमण देखिएपछि त्यो अस्पताल नै बन्द गरिएको छ । 

अब भारतीय समाचार एजेन्सी भारतीय न्युज सर्भिसका अनुसार सफदरजंग अस्पतालमा पनि दुई चिकित्सक कोरोना भाइरस संक्रमित भेटिएको छ । यी दुवै चिकित्सक कोरोना संक्रमितको उपचारमा संलग्न थिए । 

अब उनीहरुले जाँच गरेका अन्य बिरामीसहित १६ जनालाई क्वारेन्टाइनमा राखिएको छ ।