एजेन्सी– गत वर्षको डिसम्बेर अन्त्यमा पहिलो पटक चीनको वुहान सहरमा देखिएको कोरोनाभाइरसका कारण अहिले विश्व त्रसित भएको छ । यहीबीच अमेरिका र अन्य देशहरुले चीनमाथि आरोप लगाउन पनि थालेका छन् । कतिपय देशका नेताहरुले चीनले यसको क्षतिपूर्ति दिनु पर्ने पनि बताएका छन् ।
अब चीनले पनि यी कुराहरुको जवाफ दिन थालेको छ ।
चीनले एचआइभी तथा एचवानएनवानजस्ता भाइरसहरु फैलिँदा अमेरिकासँग किन कसैले पनि क्षतिपूर्ति मागेन भनेर प्रश्न गर्न थालेको छ ।
अमेरिकी राष्ट्रपति डोनाल्ड ट्रम्पले यसअघि चीनले कोरोनाभाइरस महामारी नरोकेकाले गम्भीर हुन परेको र चीनले यसको क्षतिपूर्ति दिनु पर्ने बताएका थिए । यही कारण चीनले अब जवाफ दिन थालेको हो ।
चिनियाँ विदेश मन्त्रालयका प्रवक्ताले भनेका छन्, ‘सन् २००९ मा एचवानएनवान फ्लूको सुरुवात अमेरिकामा भएको थियो, विश्वका २ सय १४ देशमा फैलिएको थियो । विश्वभर २ लाख मानिसको ज्यान गएको थियो । के कसैले अमेरिकाले मुआब्जा दिनुपर्छ भन्यो ?’ यतिमात्र नभएर सन् ८० को दशकमा नै एचआइभी फैलाएकोमा अमेरिकालाई चीनले निशाना पनि बनाएको छ । ‘सन् १९८० को दशकमा अमेरिकामा एड्स देखियो, विश्व यसका कारण अहिले पनि चिन्तित छ । के कसैले अमेरिकासँग जवाफ माग्यो ?’
#FMsays "The H1N1 flu that broke out in the US in 2009 spread to 214 countries and regions, killing nearly 200,000 people, has anyone demanded the US for compensation?" Foreign Ministry spokesman Geng Shuang asked on Monday. (1/3) pic.twitter.com/JDpxxGE1OW
— China Daily (@ChinaDaily) April 20, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।