एजेन्सी– बेलायतमा चिकित्सकहरुले कोरोनाभाइरसका कारण बालबालिकामा फरक किसिमका लक्षणहरु देखिएको बताएका छन् । यी लक्षणहरु अरुमा नदेखिएको तर अत्यन्त गम्भीर प्रकारका भएको पनि उनीहरुले जानकारी दिएका छन् । 

यसका साथै लन्डन र बेलायतभर रहेका अस्पतालमा आपतकालीन सन्देशहरु पठाइएको छ । 

बालबालिकामा अरुमा भन्दा ‘विभिन्न अंगमा जलन’ पनि देखिन थालेको बेलायती चिकित्सकहरुले नाएका छन् । 

बिरामी भएर अस्पतालमा भर्ना भएका बालबालिकामा फरक किसिमका लक्षण देखिएपछि बेलायती चिकित्सकहरुले तत्काल चनाखो हुनु पर्ने बताएका हुन् । 

‘पछिल्ला केही दिन मात्र भएको छ, हामीले यस प्रकारका लक्षणहरु देखेका छौँ,’ एनएचएस बेलायतका मेडिकल डाइरेक्टर स्टेफन पोविसले भनेका छन्, ‘र, यसमा हामी गम्भीर भएका छौँ, हामीले यसबारे थप अनुसन्धान सुरु गरिसकेका छौँ ।’