कोरोनाभाइरसका कारण रोकिएको फ्रेन्च लिग वानले अबका खेलहरु रद्द गर्ने निर्णय गरेको छ । योसँगै फ्रान्सको सबैभन्दा ठूलो फुटबल प्रतियोगिता ला लिगामा यस वर्षका पिएसजीलाई च्याम्पियन घोषणा गरिएको छ ।
यो साताको सुरुवातमा नै फ्रेच्न प्रधानमन्त्री एडुवार्ड फिलिपले सन् २०१९–२०२० को सबै खेलका सबै सिजनहरु रद्द गरेको जानकारी दिएका थिए ।
योसँगै फ्रेन्च फुटबल लिगले अहिलेसम्मको अंकका आधारमा पिएसजीलाई यो सिजनको च्याम्पियन घोषणा गरेको हो ।
पिएसजी लिगमा १२ अंकले अरुभन्दा अगाडि थियो । यसअघि पनि पिएसजीले पछिल्ला आठमध्ये सात लिगमा यो टाइटल जितेको छ ।
यो निर्णयसँगै पिएसजीले यो उपाधि कोरोनाविरुद्ध लडिरहेका फ्रन्टलाइन स्वास्थ्यकर्मी तथा अन्यलाई समर्पित गर्ने जनाएको छ ।
उता, नेदरल्यान्ड्समा चाहिँ यस वर्षको फुटबल सिजन रद्द भएको बताइए पनि कुनै च्याम्पियन घोषणा भएको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।