आज बाँकेमा भेटिएका ४७ जना कोरोनाभाइरस संक्रमित पछिल्लो समय भारतबाट नै आएको खुलेको छ । उनीहरुमध्ये केही भारतबाट केही दिनअघि मात्र आएका पनि छन् । 

नेपालमा लकडाउन पछि र भारतमा लकडाउन अलिक खुकुलो भएपछि नेपाल आइपुगेका उनीहरुलाई विभिन्न क्वारेन्टाइनमा राखिएको थियो । 

नरैनापुरका क्वारेन्टाइनमा रहेका उनीहरुको परीक्षण गर्दा कोरोनाभाइरस संत्रमण भेटिएको हो । क्वारेन्टाइनमा रहेका १ सय ९० जनाको स्वाब परीक्षण गरिएको बताइएको छ ।

नरैनापुरमा नै आइतबार एक २५ वर्षका युवाको क्वारेन्टाइनमा कोरोनाभाइरसका कारण मृत्यु भएपछि उक्त क्षेत्रमा निकै ठूलो त्रास फैलिएको छ ।